Themele për çdo lloj ndërtimi

Ndërto mbi baza të sigurta

Nëse jeni duke planifikuar të ndërtoni një shtëpi, një objekt shumëkatësh, një urë, apo një parking nëntokësor – gjithmonë fillohet nga baza. Pilota të vendosura siç duhet janë çelësi i qëndrueshmërisë. Në Kom Group, ofrojmë shpime për pilota me standarde të larta – duke përdorur makineri moderne dhe teknikë të saktë për çdo lloj terreni. Pilota janë shtylla të thella që vendosen në tokë për të përballuar peshën e objektit dhe për të siguruar që ndërtimi të mos pësojë lëvizje apo dëmtime me kalimin e kohës.

Shpime të sakta

Shpime për pilota në thellësi dhe kënde të ndryshme, sipas projektit.

Mbështetje Maksimale

Shtylla që garantojnë stabilitet për çdo strukturë ndërtimore.

Zgjidhje për çdo zonë

Përshtatje për zona të buta, me ujë apo me rrezik rrëshqitjeje.

Kur përdoren pilotat?

Pilotat janë zgjidhja ideale kur toka nuk është mjaftueshëm e fortë për të mbajtur peshën e një ndërtese. Ato përdoren për të transferuar ngarkesën e objektit në shtresa më të thella dhe më të qëndrueshme të tokës.

1. Në objekte të mëdha ndërtimi – Si banesa shumëkatëshe, shkolla, fabrika dhe qendra tregtare.
2. Në ura dhe struktura në zona të ndjeshme – Për mbështetje shtesë në zona me tokë të paqëndrueshme.
3. Parkingje nëntokësore – Për të përballuar ngarkesa të mëdha në thellësi.
4. Përforcim kundër rrëshqitjeve – Në zona të pjerrëta ose me rrezik të lartë shembjeje.

Fazat e punës – Hap pas hapi

Çdo projekt fillon me një proces të planifikuar mirë. Në Kom Group, ndjekim çdo hap me kujdes – nga vlerësimi fillestar deri te përfundimi i sigurt dhe i saktë i punës.

Vlerësimi i vendit

Ekipi ynë del në terren për të parë gjendjen e tokës, afërsinë me objekte të tjera dhe nivelin e ujit nëntokësor. Kjo ndihmon për të përcaktuar thellësinë dhe pozicionin e pilotave.

Planifikimi i projektit

Pasi studiojmë projektin dhe kushtet e terrenit, bëjmë shënimin e pikave ku do të shpohen pilotat. Kjo fazë është shumë e rëndësishme për stabilitetin e ndërtesës.

Shpimi i pilotave

Me makineritë tona moderne, bëjmë shpimin në thellësi të ndryshme (varësisht nga projekti), në diametra të përshtatshëm. Shpimi mund të bëhet vertikalisht ose me kënd, nëse kërkohet për stabilizim.

Vendosja e armaturës dhe betonimi

Në vrimat e hapura vendosim armatim të hekurit sipas projektit, dhe pastaj hidhet betoni.
Ky kombinim krijon një shtyllë të fortë që i jep objektit qëndrueshmëri dhe siguri.

Testimi dhe përfundimi

Pas përfundimit të punimeve, pilotat kontrollohen për qëndrueshmëri dhe testohen nëse janë në nivelin e duhur teknik. Në fund, puna përfundon e dokumentuar dhe e gatshme për vazhdimin e ndërtimit.

Pse të zgjidhni Kom Group?

• Makineri moderne dhe staf me përvojë,
• Realizim i saktë dhe në afat,
• Zgjidhje për çdo lloj terreni,
• Punë e pranuar nga institucionet,
• Çmime të drejta dhe komunikim korrekt.

Ndërtoni me zemër të qetë – pilotat i rregullojmë ne!
Na kontaktoni sot për të marrë një ofertë të personalizuar dhe për të nisur projektin tuaj me themele të forta.